പ്രശസ്ത നടൻ മണി മായമ്പിള്ളി വിട വാങ്ങി..ഞെട്ടലോടെ താരങ്ങളും ആരാധകരും..കണ്ണീരോടെ താരങ്ങളുടെ വാക്കുകൾ

പ്രശസ്ത നടൻ മണി മായമ്പിള്ളി വിട വാങ്ങി..ഞെട്ടലോടെ താരങ്ങളും ആരാധകരും..കണ്ണീരോടെ താരങ്ങളുടെ വാക്കുകൾ

കേരള സംഗീത നാടക അക്കാദമി അവാർഡ് ജേതാവും, പ്രശസ്ത പ്രൊഫെഷണൽ നാടക സിറിയൻ സിനിമ നടനുമായ മണി മായമ്പിള്ളി എന്ന മണികണ്ഠൻ അന്തരിച്ചു. 47 വയസായിരുന്നു. പ്രൊഫഷണൽ നാടകങ്ങളിലൂടെയാണ് അദ്ദേഹം ശ്രദ്ധേയനാകുന്നത്. പറവൂർ ചേന്ദമംഗലം തെക്കുംപുറത്തെ വീട്ടിൽ ഇന്നലെ വെള്ളിയാഴ്ച വൈകീട്ടായിരുന്നു അന്ത്യം.

തൃശൂർ കോട്ടപ്പുറം മായമ്പിള്ളി ഇല്ലത്ത് നീലകണ്ഠൻ ഇളയതിൻറെയും ദേവകി അന്തർജ്ജനത്തിൻറെയും മകനാണ്. 15 വർഷത്തോളമായി പറവൂർ ചേന്ദമംഗലത്താണ് താമസം. പ്രേക്ഷകർ ഓർത്തിരിക്കുന്ന നിരവധി കഥാപാത്രങ്ങളെ ബാക്കി വെച്ചുകൊണ്ടാണ് മണിചേട്ടന് വിടവാങ്ങിരിക്കുന്നതു. മണിച്ചേട്ടന്റെ വിയോഗത്തിന്റെ വാർത്ത അറിഞ്ഞ നടുക്കത്തിലാണ് സീരിയൽ പ്രേമികൾ. ശ്രീകുമാരിയാണ് ഭാര്യ. അക്ഷയ്, അഭിനവ് എന്നിവർ മക്കളാണ്.

ജനപ്രിയ ടെലിവിഷൻ പരമ്പരകളായ കുങ്കുമപ്പൂവ്, ഇന്ദുലേഖ, ചന്ദനമഴ, ദേവി മാഹാത്മ്യം, ഭാഗ്യജാതകം, നിലവിളക്ക്, അൽഫോൻസാമ്മ, ബാല ഗണപതി അലാവുദ്ധീനും അത്ഭുതവിളക്കും, തുടങ്ങി നിരവധി സീരിയലുകളിലും, ചൈതന്യം, സത്യൻ അന്തിക്കാടിന്റെ ജോമോന്റെ സുവിശേഷങ്ങൾ തുടങ്ങിയ ഏതാനും സിനിമകളിലും ചെറിയ വേഷങ്ങളിലും അഭിനയിച്ചിട്ടുണ്ട്. ചന്ദനമഴ പരമ്പരയിൽ മികച്ച കഥാപാത്രം ആയിരുന്നു മണിയുടേത്.

തൃശൂർ ജില്ലയിലെ മണപ്പുറം കാർത്തിക നാടക വേദിയുടെ കുട്ടനും കുറുമ്പനും എന്ന നാടകം മുതൽ ആണ് ഇദ്ദേഹം നാടക രംഗത്തു സജീവമായിരുന്നു. തൃശൂർ യമുന എൻറർടെയ്‌നേഴ്‌സിൻറെ കടത്തനാടൻ പെണ്ണ് തുമ്പോലാർച്ച എന്ന നാടകത്തിലെ അഭിനയത്തിനായിരുന്നു 2015-16 വർഷത്തെ കേരള സംഗീത നാടക അക്കാദമിയുടെ മികച്ച നാടകനടനുള്ള അവാർഡ് ലഭിച്ചത്. ഈ നാടകത്തിൽ തുമ്പോലാർച്ചയുടെ ഭർത്താവ് പാക്കനാരും മുത്തച്ഛനുമായി ഇരട്ട വേഷത്തിൽ മികച്ച പ്രകടനമാണ് അവാർഡ് നേടി കൊടുത്തത്.

താരങ്ങൾ മണി ചേട്ടന്റെ ഓർമ്മകൾ പങ്കുവെച്ചു സോഷ്യൽ മീഡിയയിൽ എത്തിട്ടുണ്ട്. ഇന്ദുലേഖ എന്ന പരമ്പരയിൽ തിലകൻ മാമാ ആയി തിളങ്ങുക ആയിരുന്നു അദ്ദേഹം. കേരളം സംഗീത നാടക അക്കാദമി അവാർഡ് ജേതാവ് കൂടിയാണ് മണി മായാമ്പിള്ളി. സീരിയലുകളിലും സിനിമകളിലും സജീവമായിരുന്നു അദ്ദേഹം.

തിരുവനന്തപുരം സംഘചേതന, ഓച്ചിറ നിള, രാജൻ പി. ദേവിൻറെ ചേർത്തല ജൂബിലി തുടങ്ങി ഒട്ടേറെ നാടക സമിതികളുടെ നാടകങ്ങളിൽ പ്രധാന കഥാപാത്രങ്ങളെ ഇതിനോടകം അദ്ദേഹം അവതരിപ്പിച്ചിട്ടുണ്ട്.